Հանդիպում ուսանողների հետ

Երկարատև աշխատանքային տարիների պրակտիկ փորձը երիտասարդներին փոխանցելը "Թերմո-Ար"-ի ձեռագիրն է։ Մեր հարկի տակ մշտապես հյուրընկալել ենք ուսանողներին և շրջանավարտներին։ Այս անգամ մեր հյուրերը ՃՇՀԱՀ քոլեջի սաներն էին։ "Թերմո-Ար"-ի սպասարկման բաժնի ղեկավար՝ Անանիա Ամիրբեկյանն ու նախագծային բաժնից՝ Վաղինակ Սարդարյանն ուսանողներին ներկայացրեցին ընկերության ապրանքատեսականին, իրականացված նախագծերից մի քանիսը, զրուցեցին վերականգնվող էներգիայի աղբյուրներիի, ջերմային պոմպերի, արևային կոլեկտորների մասին, կարևորելով դրանց արդիականությունն ու հեռանկարները։ Երիտասարդներն առանձնակի ուշադրութամբ լսեցին BIM տեխնոլոգիաների կիրառման ու զարգացման տեսլականի մասին։ Իսկ "Թերմո-Ար"-ի լաբորատորիայում ուսանողները հնարավորություն ունեցան ծանոթանալ կաթսաների կառուցվածքային և աշխատանքային նրբություններին։